Losprys in Parys

Dienke kan glad nie glo dat haar lewe wat gister nog so reg was, so lelik ontspoor het nie. Vir die eerste keer in 'n baie lang tyd is daar 'n ou wat in haar, Dienkie de Wet, belangstel, en nou wil haar ouers he sy moet net halsoorkop verdwyn? En Frankryk toe van alle plekke? Parys toe?

Sy weet dis heel moontlik "koebaai, Eddie" en dit voel vir haar soos die einde van die wereld. Totdat sy vir Sergio ontmoet. Maar sy het nie rekening gehou met die man met sy aardboltatoe nie. Of met die skurke in Suid-Afrika nie.

En sy moet fyn trap om aan die lewe te bly.